Non podiamos ter mellor broche de ouro para as charlas deste curso, que contar coa presenza de Xacobo de Toro, profesor de Bioloxía e Xeoloxía e gran creador e divulgador de materiais dixitais científicos. Veunos a explicar cousas sobre o noso planeta dun xeito moi sinxelo e práctico. Mesmo fixemos unha liña do tempo para comprender que o ser humano apareceu fai moi pouco tempo na Terra!
O venres , 4 de abril, tivemos a sexta charla científica deste curso na Biblioteca Rialeda. Veu Alejandro Cardesín Moinelo, enxeñeiro e científico de Misións Planetarias da Axencia Espacial Europea a falarnos do tema no que se centran as súas investigacións nos últimos anos: Marte. O público estaba tan interesado que fixo numerosas preguntas.
Previamente, Javier, antigo alumno do noso Centro, fixo unha presentación introdutoria sobre o Universo, teorías da súa orixe e grandes astrónomos.
O venres, 21 de marzo, tivemos a quinta charla científica deste curso en Rialeda. Veu Isaú Rodríguez González, licenciado en Ciencias e Técnicas Estatísticas pola Universidade de Granada, a falarnos dun tema que lle apaixona, a importancia dos números e a estatística.
Antes da súa charla, Xoel e Martín, antigos alumnos do noso Centro, fixeron unha presentación introdutoria sobre o mesmo tema: " A estatística".
Antes da súa charla, Chloe e Antón, de 6º do noso Centro, fixeron unha presentación introdutoria sobre o mesmo tema: "Mulleres de ciencia".
O venres, 13 de decembro, tivemos a terceira charla científica en Rialeda. Veu Carmen Rodríguez Coronado, graduada en Bioloxía e Química e estudante de doutoramento da UDC, a falarnos dun dos tantos problemas medioambientais que temos e da importancia de Limpar de antibióticos o medio ambiente.
Antes da súa charla, Valentina e Antón, de 6º do noso Centro, fixeron unha presentación sobre os antibióticos.
O venres, 8 de novembro, tivo lugar a segunda charla científica
deste curso na Biblioteca Rialeda impartida por Ana González Tizón, profesora a Universidade da Coruña no Departamento de Bioloxía,
na que explicou a importancia de Isabel Zendal e a expedición Balmis.
Previamente, Cloe e Antón, de 6º de primaria do noso centro fixeron unha presentación moi interesante sobre as vacinas.
Tamén queremos dar as grazas desde aquí aos pais e nais, profesionais que nos cederon o seu tempo de xeito altruista compartindo con todos nós os seus coñecementos no ámbito científico. Tamén a aqueles e aquelas que desde a Universidade da Coruña, desde centros de Educación Secundaria ou desde asociacións responderon á chamada de Fina e se sumaron a este proxecto sen ánimo de lucro que tan só pretende achegar a ciencia a todos e todas, especialmente a nenos/as e adolescentes.
Enterouse moita xente do premio porque ata saímos na portada do xornal La Opinión!
O venres, 11 de outubro, tivo lugar a primeira charla científica deste curso na Biblioteca Rialeda impartida pola Vicepresidenta da Asociación Micolóxica Coruñesa; Raquel Poncini Gómez sobre “Os fungos. Curiosidades” na que explicou a importancia dos fungos, a súa calidade, cales son tóxicos e cales non, curiosidades que nos sorprenderon e a súa relevancia desde o punto de ecolóxico.
Previamente, Leire e Xoel, de 6º de primaria do noso centro fixeron unha presentación moi interesante sobre os fungos.
Por certo, se queredes saber máis sobre as charlas do curso pasado, podedes ir á páxina web do noso Centro á revista Biotopo.
