Charla "Os nosos amigos os microorganismos"

 

O venres, 25 de abril, tivo lugar a sétima charla científica na Biblioteca Rialeda. Veu de novo Carmen Rioboo Blanco, profesora de microbioloxía na Universidade da Coruña a falarnos da súa paixón, os microorganismos. 

Antes da súa intervención, Ian e Marco, alumnos do Valle Inclán, fixeron unha presentación sobre un importante científico británico, Robert Hooke, un dos primeiros en investigar seres vivos a escala microscópica.

Charla "Exploración de Marte"

 

O venres , 4 de abril, tivemos a sexta charla científica deste curso na Biblioteca Rialeda. Veu Alejandro Cardesín Moinelo, enxeñeiro e científico de Misións Planetarias da Axencia Espacial Europea a falarnos do tema no que se centran as súas investigacións nos últimos anos: Marte. O público estaba tan interesado que fixo numerosas preguntas.

Previamente, Javier, antigo alumno do noso Centro, fixo unha presentación introdutoria sobre o Universo, teorías da súa orixe e grandes astrónomos.

Plantación

 

Non pensedes que temos abandonado o tema de plantar, regar e coidar ás nosas amigas, as plantas.

Mirade que ben se nos dan as leitugas. Tamén temos plantados amorodos.

E, por suposto, seguimos a coidar das nosas árbores.

Despois da Semana Santa a ver se plantamos algo máis nos nosos novos bancais.

Grúa hidráulica

A que tiñades curiosidade ? Pois si, a grúa hidráulica que construímos, funcionaba!

Experimentando en abril

 

En abril estamos en plan constructor pero seguen a interesarnos as mesturas, as distintas densidades...