Charla "Mulleres e ciencia"

 

O venres, 21 de febreiro, tivemos a cuarta charla científica deste curso en Rialeda. Veu Carmen Rodríguez Coronado, graduada en Bioloxía e Química e estudante de doutoramento da UDC, a falarnos das mulleres no ámbito científico.

Antes da súa charla, Chloe e Antón, de 6º do noso Centro, fixeron unha presentación  introdutoria sobre o mesmo tema: "Mulleres de ciencia".

Compartimos experimentos 6º e 3º de EP

 

Neste mes de febreiro o alumnado de 6º foi a 3º a presentar varios experimentos. Chegoulles o tempo a pouco!

Fluído non Newtoniano

 Mirade que sorprendente!Un fluído non newtoniano é aquel fluído cuxa viscosidade varía. En reposo  compórtase  coma un fluído, pero aumenta a súa viscosidade cando se  somete a forzas de estrés. A forza fai que os átomos da mestura se reorganicen e aumenten a súa viscosidade.

Como algún alumnado do colexio que non vai ao Club de Ciencia preguntou como se facía, aí vai a receita:

Hai que coller un bol de ensalada grande e introducir un vaso de auga completo, posteriormente  iremos engadindo maicena ata que espese. É importante ir amasándoo pouco a pouco. Cando a masa xa esté homoxénea poderemos experimentar como se comporta este fluído.

Se deixas en repouso a masa  verás que se comporta coma un líquido, incluso se a sostés na man notarás como se derrete e empeza a desprazarse e incluso a chorrear. Non obstante, se deixas de novo toda a masa no bol pero a golpeas co puño cerrado moi forte, notarás que actúa como un sólido, pois a man no se che manchará e notarás que está duro. Incrible, non? Pois non é maxia, é ciencia.