Recollida do premio á innovación bibliotecaria da Biblioteca Rialeda

 

Como xa publicou o noso Concello, a concelleira de Cultura, María José Santos ; a bibliotecaria municipal, Mari Luz Corral, e a profesora do noso Centro, Fina Mosquera,  recolleron onte, 11 de novembro, o Premio á innovación bibliotecaria de Galicia 2024 polo proxecto "Ler para saber: a ciencia", do que demos cumprida información nunha entrada previa do blog. Parabéns!

Charla " Isabel Zendal e a expedición Balmis"

 

O venres, 8 de novembro, tivo lugar a segunda charla científica deste curso na Biblioteca Rialeda impartida por Ana González Tizón, profesora a Universidade da Coruña no Departamento de Bioloxía, na que  explicou a importancia de Isabel Zendal e a expedición Balmis. 

Previamente, Cloe e Antón, de 6º de primaria do noso centro fixeron unha presentación moi interesante sobre as vacinas.

3ª sesión

 

 

Na 3ª sesión experimentamos con auga e cables pero...tranquilos, por separado! Tamén estamos iniciándonos na robótica cos kits que nos enviaron para Polos Creativos. Lástima que non teñamos unha aula para poder gardar alí todo o material ordenado e facer uso de todo.